Bagong guidelines para sa mga lugar na nasa ilalim ng GCQ, ilalatag ng IATF ngayong araw

Ipepresenta ng Inter-Agency Task Force (IATF) mamaya ang bagong guidelines para sa General Community Quarantine (GCQ).

Ayon kay Presidential Spokesperson at IATF Spokesperson Atty. Harry Roque, gagawin ang anunsiyo mamaya sa kanyang virtual presser kasunod ng ginawang pulong kahapon ng Task Force.

Sinabi ni Roque na maraming  naaprubahan ang IATF matapos ang pagsusumite ng iba’t ibang government agencies ng kanilang proposed guidelines para sa GCQ.

Ilan sa mga nagpasa ng kani-kanilang GCQ guidelines ay ang Department of Trade and Industry (DTI), Department of Labor and Employment (DOLE), Department of Health (DOH) at Department of Public Works and Highways (DPWH).

Kaugnay nito, tiniyak ni Roque na mas madaling matatandaan ng publiko ang ilalatag nilang panibagong guidelines gamit ang infographics.

Source: http://www.radyopilipinas.ph/rp-one/articles/national/bagong-guidelines-para-sa-mga-lugar-na-nasa-ilalim-ng-gcq-ilalatag-ng-iatf-ngayong-araw